2025 жылдың 5 мамырында Жетісу облысының мемлекеттік архивінің оқу залында Ұлы Отан соғысындағы Жеңістің 80 жылдығына орай «Ерлік даңқы ешқашанда өшпейді» атты тақырыппен көрме ұйымдастырылды. Іс шараға «Талдықорған қаласының инновация колледжі» мекемесінің студенттері мен жетекшісі қатысты.
Құжаттарды пайдалану және ғылыми-анықтамалық аппарат бөлімінің басшысы Л.Ануарханова шара барысында колледжден келген білім алушы жастарға Жетісу облысының мемлекеттік архивінің жұмысымен таныстырып, іс шараның барысы мен маңыздылығын түсіндірді. Көрмеге архивтегі мемлекеттік сақтаудағы жеке тектік қорлар істерінен Ұлы Отан соғысы ардагерлерінің отты жылдары көрсеткен ерліктері тақырыбындағы құжаттары: ордендері мен медальдарының куәліктері, марапаттары, майданда жазған хаттары, фото суреттері көрмеге қойылды.
«Талдықорған қаласының инновация колледжі» мекемесінің директоры Р.Қ. Жантеловке колледж студенттеріне тарихи маңызы бар көрмені тамашалауға мүмкіндік бергені үшін Алғыс айтамыз!
