2025 жылғы 26-27 мамырда Жетісу облысының мемлекеттік архивінің қызметкерлері Қонаев қаласында өткен, Қазақстан Республикасы Мәдениет және ақпарат министрлігінің Архив, құжаттама және кітап ісі комитеті ұйымдастырған «Архив қорларын пайдалану және жариялау» атты өңірлік семинарға қатысты.
Аталмыш шараны Қазақстан Республикасы Мәдениет және ақпарат министрлігі Архив, құжаттама және кітап ісі комитетінің Мемлекеттік саясат және нормативтік-құқықтық реттеу басқармасының басшысы Салтанат Нұртасқызы Тащанова жүргізді.
Жетісу облысының мемлекеттік архивінің Құжаттарды пайдалану және ғылыми-анықтамалық аппарат бөлімінің басшысы Лаура Әнуарханқызы «Архив қорларын пайдалану және зерттеу қағидалары» тақырыбында баяндама жасап, архив жұмысының тәжірибесімен бөлісті.
